टिम लोकप्रवाह, चोपडा दि. २९ जुलै – शहरातील लोहाणा पेट्रोलपंपामागील भागातुन संजय नाना देवरे रा. वडजाई ता.जि. धुळे यांची दिनांक 12/01/2023 रोजी रात्री 8 ते 9 दरम्यान एचएफ डिलक्स मोटार सायकल कोणीतरी अज्ञात चोरट्याने चोरुन नेल्याने पोलीस स्टेशन येथे अज्ञात आरोपीविरुद्ध मोटरसायकल चोरीचा गुन्हा दाखल करण्यात आला होता. त्यातील आरोपींना शहर पोलीसांनी अतिशय शिताफीने अटक करुन चोरीच्या चार मोटरसायकली जप्त केल्या आहेत. आरोपींमध्ये तिघांचा समावेश असून एक आरोपी हा अल्पवयीन आहे.
याबाबत सविस्तर वृत्त असे की, वरीलप्रमाणे दाखल गुन्ह्याचे तपासी अंमलदार पोहेकॉ. शेषराव तोरे यांनी सदर गुन्ह्यात आरोपी 1) पवन संजय साळुंखे, रा. सुंदरगढी चोपडा तसेच 2) अमोल राजेंद्र अहिरे, रा. खडगांव ता.चोपडा यांना अटक करुन व एका अल्पवयीन आरोपीस ताब्यात घेवुन विचारपुस केली असता त्यांनी सदर गुन्ह्यातील चोरीस गेलेली मोटार सायकल 1) एमएच 18 एएम 8666 एच. एफ डिलक्स मोटार सायकल याव्यतिरीक्त 2) एमएच 19 बीबी 5004 हिरो होंडा कंपनीची पॅशन प्रो मोटार सायकल व 3) एमपी 10 एनए 3444 एच एफ डिलक्स व 4) विना क्रमांकाची लाल काळ्या रंगाची एचएफ डिलक्स मोटार सायकल अशा एकुण चार मोटरसायकली अंदाजे 1,20,000/- रुपये किंमतीच्या चार मोटरसायकली हस्तगत करण्यात आल्या. सदर चोरीच्या गुन्ह्यात आरोपी क्रं. 1 व 2 यांना अटक करुन त्यांना न्यायालयासमोर हजर केले असता दिनांक 31/07/2023 पावेतो पोलीस कस्टडी मिळाली आहे. सदर आरोपीतांनी याव्यतिरीक्त अजुन गुन्हे केलेले असण्याची शक्यता नाकारता येत नाही. त्यामुळे त्यांच्याकडून आणखी इतर गुन्हे उघडकीस येण्याची शक्यता आहे.
सदर कारवाई पोलीस अधिक्षक एम. राजकुमार, अपर पोलीस अधीक्षक रमेश चोपडे साहेब तसेच सहाय्यक पोलीस अधीक्षक कृषीकेश रावले यांच्या मार्गदर्शनाखाली व पोलीस निरीक्षक के. के. पाटील, सपोनि. अजित सावळे, संतोष चव्हाण, पोउनि. घनशाम तांबे यांच्या नेतृत्वाखाली सफौ. सुनिल पाटील, पोहेकॉ. शेषराव तोरे, विलेश सोनवणे, दिपक विसावे, जितेंद्र सोनवणे, शिवाजी धुमाळ, ज्ञानेश्वर जवागे, प्रदिप राजपुत, पोना. संतोष पारधी, हेमंत कोळी, प्रमोद पाटील, मधुकर पवार, संदिप भोई, किरण गाडीलोहार, ईश्वर धनगर, पोकॉ. मिलींद सपकाळे, प्रकाश मथुरे, रविंद्र पाटील, प्रमोद पवार, विजय बच्छाव, सुमेर वाघरे, शुभम पाटील, आत्माराम अहिरे आदिंच्या पथकाने केली.
