टिम लोकप्रवाह, चोपडा दि. १५ – येथे इयत्ता 1 ली , 4 थी आणि 7 वीच्या विद्यार्थांसाठी घेण्यात आलेल्या चोपडा टॕलेंट हंट (CTH) या स्पर्धा परीक्षेचा पारितोषिक सोहळा रविवारी उत्साहात पार पडला. तब्बल 1324 विद्यार्थ्यांनी सहभाग नोंदविलेल्या या परीक्षेतील 150 यशस्वी विद्यार्थ्यांना याप्रसंगी पारितोषिक मिळाले तसेच उर्वरित सर्व सहभागी विद्यार्थ्यांना प्रमाणपत्र देण्यात आले. याप्रसंगी व्यासपीठावर प्रमुख अतिथी म्हणून पंकज शैक्षणिक व सामाजिक संस्थेचे संचालक पंकज बोरोले, कवी विलास पाटील, पवन लाठी, महात्मा गांधी विद्यालयाचे मुख्याध्यापक एन. एस. सोनवणे, पी व्ही एम इंग्लिश मिडीयम स्कुलचे प्राचार्य रजिश, लोकप्रवाहचे संपादक पत्रकार संदिप ओली आदिंची उपस्थिती होती.
चोपडा तालुक्यातील स्टेट बोर्ड तसेच सीबीएसई माध्यमाच्या सर्व शाळांमधील विद्यार्थांनी या परीक्षेत सहभाग नोंदविला. चोपडा टॅलेंट हंट आयोजन समितीमार्फत परीक्षेसाठी मोठी आकर्षक बक्षिसे विद्यार्थ्यांसाठी ठेवण्यात आली होती. विद्यार्थ्यांना या परीक्षेकडे आकर्षित करणे तसेच या स्पर्धेच्या युगात त्यांना स्पर्धा परीक्षांसाठी सज्ज करणे हा यामागील उद्देश होता. शहरातील आणि तालुक्यातील विविध शाळांमधील 1324 विदयार्थ्यांनी या परीक्षेत सहभाग नोंदविला होता. यामध्ये एकूण 150 विदयार्थ्यांना आकर्षक बक्षीसे म्हणून सायकल, स्मार्ट वॉच, स्टडी टेबल, रायटिंग पॅड, स्कुल बॅग, ड्रॉइंग किट असे देण्यात आली. सर्व सहभागी विद्यार्थ्यांना प्रमाणपत्र देण्यात आले.
परीक्षेच्या यशस्वी आयोजनासाठी आयडियल इंग्लिश अकॅडमीचे संचालक पद्माकर पाटील, गुरु क्लासेस संचालक अश्विनी कुमार चौधरी तसेच समर्थ मॅथ्स अँड सायन्स अकॅडमी संचालक घनश्याम पाटील व विशाल मराठे यांनी परिश्रम घेतले. परीक्षेच्या नियोजनबद्ध आयोजनासाठी अनेक विद्यार्थ्यांनी स्वयंसेवक म्हणून परिश्रम घेतलेत व आयोजनात सक्रिय सहभाग घेतला.
