टिम लोकप्रवाह, चोपडा, दिनांक 19– शहरात कोतवाल म्हणून कार्यरत असणारे जितेंद्र एकनाथ धनगर यांना दिनांक 15 ऑगस्ट 2024 रोजी जिल्हाधिकारी कार्यालयात पर पडलेल्या कार्यक्रमात पालकमंत्री गुलाबराव पाटील यांच्या हस्ते व जिल्हाधिकारी आयुष्य प्रसाद यांच्या प्रमुख उपस्थितीत “उत्कृष्ट कोतवाल” या पुरस्काराने सन्मानित करण्यात आले. त्यांना याअगोदर ही दोनवेळा हा पुरस्कार मिळाला असून सलग तिसऱ्यांदा सदर पुरस्कार मिळविणारे ते जिल्ह्यातील एकमेव कर्मचारी ठरले आहेत. त्यांच्या या सन्मानाने अर्थातच त्यांच्या कार्यालयासह त्यांचे कुटुंबीय व चोपडेकरांनाही आनंद झाला आहे हे मात्र नक्की!
शांत, सुस्वभावी व सर्वांना मदतीची भावना मनात ठेवून कार्य करणारे जितेंद्र धनगर यांना सलग तिसऱ्यांदा “उत्कृष्ट कोतवाल ” म्हणून मिळालेल्या पुरस्काराबद्दल आम्ही टिम लोकप्रवाह तर्फे त्यांचे मनःपूर्वक अभिनंदन करीत आहोत.
